ითამაშე მთავარი გმირი და
გადაიღე სცენა შენი პორტფოლიოსთვის

ეს არის უპრეცენდენტო შესაძლებლობა როგორც მსახიობებისთვის, ისე ყველა იმ ადამიანისთვის, ვისაც სურს საკუთარი ძალების კამერის წინ მოსინჯვა.

„პორტფოლიო"-ზე მიღება მოხდება გასაუბრების საფუძველზე, რომლის მიზანია კანდიდატის ელემენტარული სამსახიობო უნარების და მეტყველების შემოწმება. გასაუბრება მოიცავს წინასწარ მომზადებული ტექსტის (მოთხრობა, ლექსი, ნაწყვეტი პიესიდან ან სხვა) წაკითხვას და მის შეფასებას.

რას გთავაზობთ კურსის ფარგლებში:

• კინოინდუსტრიის პროფესიონალების მიერ ჩატარებულ ინდივიდუალურ მენტორინგსა და მასტერკლასებს, რომელიც დაგეხმარებათ კინოსამსახიობო უნარების განვითარებასა და თქვენი პოტენციალის მაქსიმალურად გამოვლენაში.
• მასტერკლასებს კინოსა და თეატრის წამყვან მსახიობებთან.
• პროფესიონალი ფოტოგრაფის ინდივიდუალურ ფოტოსესიებს.
• საერთაშორისო სტანდარტების შესაბამისი პროფესიონალური პორტფოლიოს შექმნას.
• ცნობილი კინორეჟისორების ხელმძღვანელობით, რომელიმე პოპულარული ან თქვენთვის სასურველი პერსონაჟის სცენის (ეპიზოდის) მომზადებას, ერთ ან ორ პარტნიორთან ერთად.
• მომზადებული სცენის კინოფორმატით გადაღებას და ფოტოებთან ერთად თქვენ პორტფოლიოში განთავსებას.
• თქვენი პორტფოლიოს ნიუ ვიჟენისა და შუქი პროდაქშენის ვებგვერდებზე ატვირთვას, ასევე მის გაზიარებას ადგილობრივ და საერთაშორისო სააგენტოებსა და ქასთინგ-მენეჯერებთან.

ვისთვის არის განკუთვნილი კურსი:

• სტუდენტებისა და აბიტურიენტებისთვის, რომლებიც დაინტერესებულნი არიან კინოსამსახიობო უნარების განვითარებითა და კამერის წინ მუშაობის პროფესიონალურ დონეზე შესწავლით.
• მსახიობებისთვის და მათთვის, ვისაც სურს კინოგადაღების პრაქტიკული გამოცდილების მიღება და საკუთარი შემოქმედებითი შესაძლებლობების გაღრმავება.
• დამწყები და მოქმედი მსახიობებისთვის, რომელთაც ესაჭიროებათ საერთაშორისო სტანდარტების შესაბამისი პროფესიონალური პორტფოლიო.
• მათთვის, ვისაც სჭირდება მაღალი ხარისხის ფოტო და ვიდეო მასალა კარიერული წინსვლისა და პროფესიული წარმოჩენისთვის.

ჩვენი გუნდის წევრები:

• რეჟისორი - გიორგი თავართქილაძე
• მსახიობი - ვახტანგ ჩაჩანიძე
• სცენარისტი - ნიკოლოზ მდივანი
• ოპერატორი - გელა ჩინჩალაძე
• კამერა - იმედა თეთრაძე
• ხმის რეჟისორი - ივანე გვარაძე
• კინო-მხატვარი - თეო ბარამიძე
• მონტაჟი - ლევან კუხაშვილი
• ფერის კორექცია - შიო ხიდაშელი

რას მიიღებთ შედეგად, პროექტის დასრულების შემდეგ:

• შეძლებთ კამერის წინ პროფესიონალურად მუშაობას.
• გექნებათ კინოფორმატით გადაღებული სცენა პორტფოლიოსთვის ორ ან სამ პარტნიორთან ერთად.
• თქვენი კონკრეტული ვიდეოეპიზოდები ცალკე ამოიჭრება და დამუშავდება პორტფოლიოსთვის.
• პორტფოლიოს ფარგლებში მიიღებთ პროფესიონალი ფოტოგრაფის მიერ გადაღებულ მაღალხარისხიან პერსონალურ ფოტოებს.
• დაეუფლებით კინოქასთინგებში მონაწილეობის ძირითად პრინციპებსა და მნიშვნელოვან ნიუანსებს.
• გაეცნობით კინოგადაღების პროცესში ჩართული ძირითადი პროფესიების სპეციფიკას.
• ინდივიდუალურად თქვენთვის შექმნილი პორტფოლიო განთავსდება შუქი პროდაქშენისა და ნიუ ვიჟენის ოფიციალურ ვებგვერდებზე.
• სურვილის შემთხვევაში, პორტფოლიოს ადგილობრივ ქასთინგ-მენეჯერებს და საერთაშორისო სააგენტოებს გავუზიარებთ.

პროექტი ხორციელდება „ნიუ ვიჟენის" უნივერსიტეტის ბაზაზე.

პროექტის ხანგრძლივობა — 13 კვირა.

დღე/საათი: სამშაბათი, ხუთშაბათი 20:00 – 22:00 საათი, შაბათი - 15:00 – 18:00 საათი

• იჩქარეთ, რეგისტრაცია კინოსამსახიობო კურსზე „პორტფოლიო" დაიწყო!
• ადგილების რაოდენობა შეზღუდულია, რეგისტაციის ბოლო ვადა: 07.03.2026
• გასაუბრებები: 16.03.2026 – 20.03.2026
• სასწავლო კურსის ხანგრძლივობა: 24.03.2026 - 26.06.2026
• ნამუშევრების ჩვენება, პორტფოლიოებისა და სერტიფიკატების გადაცემა: 04.07.2026

რას ისწავლი:

იდეიდან სცენარამდე

• თემისა და მთავარი გზავნილის პოვნა
• იდეის გარდაქმნა სიუჟეტად და მისი სტრუქტურირება
• პერსონაჟის შექმნა და მისი მოტივაცია
• კონფლიქტი და დრამატურგიული განვითარება

რეჟისორის ხედვა

• რა არის რეჟისორული კონცეფცია
• კადრი როგორც აზრის გამოხატვის საშუალება
• ავტორის ხმა კინოში

ვიზუალური ენა და ოპერატორთან მუშაობა

• კადრის კომპოზიცია
• კამერის მოძრაობა და სტატიკა
• ფერი, შუქი და ჩრდილი

მსახიობებთან მუშაობა

• ქასთინგის პრინციპები
• რეპეტიცია და იმპროვიზაცია
• მსახიობის მართვა კადრში
• არაპროფესიონალ მსახიობებთან მუშაობა

გადაღების პროცესი

• პრეპროდუქცია (ლოკაცია, სცენარის ჩაშლა)
• გადაღების დღის ორგანიზება
• გუნდის მართვა
• დაბალბიუჯეტიანი გადაღების სტრატეგიები

ხმა კინოში

• ატმოსფეროს შექმნა და ფონური ხმა
• დიალოგის ჩაწერა
• სიჩუმის მნიშვნელობა
• ხმოვანი დიზაინი

მონტაჟი

• მონტაჟის რიტმი
• სცენის აგება მონტაჟში
• დროისა და სივრცის მართვა
• რეჟისორის როლი მონტაჟში

ფილმის დასრულება

• ფერის კორექცია
• ხმის დამუშავება
• მუსიკის შერჩევა
• საბოლოო ვერსიის ფორმირება

ფილმი ეკრანებზე

• ფესტივალები და სტრატეგია
• პროექტის წარდგენა
• აუდიტორია და კონტექსტი

სწავლის დღეები: ორშაბათი, ხუთშაბათი, 20:00 – 22:00 საათი

მონაწილეები კინოს სფეროს პროფესიონალების ხელმძღვანელობით შეიძენენ რეალურ კინოსამსახიობო გამოცდილებას, იმუშავებენ გუნდურ გარემოში, განივითარებენ კომუნიკაციისა და თანამშრომლობის უნარებს და ჩაერთვებიან საინტერესო შემოქმედებით პროცესში.

კურსის განმავლობაში მათ ექნებათ შესაძლებლობა დროებით მოწყდნენ ტელეფონებსა და სხვა გაჯეტებს, მეტი დრო გაატარონ თანატოლებთან ცოცხალ ურთიერთობაში და იმუშაონ მეგობრულ, ჯანსაღ და ინსპირაციულ გარემოში.

კურსის მიზნები

• კინოსამსახიობო უნარების განვითარება (ემოცია, სხეულის ენა, ხმა)
• კამერასთან მუშაობის სწავლა
• თვითგამოხატვისა და თავდაჯერებულობის გაზრდა
• გუნდური მუშაობის უნარების განვითარება

ხანგრძლივობა და ფორმატი

• ხანგრძლივობა: 4 კვირა
• სიხშირე: კვირაში 3 დღე: ორშაბათი, ხუთშაბათი - 19:00, შაბათი - 13:00
• დღიური სესია: 3 საათი

სასწავლო პროგრამა

• კინოსამსახიობო ოსტატობა
  • ემოციური გახსნა და იმპროვიზაცია
  • ნდობისა და კონცენტრაციის თამაშები
  • თვითშეფასების ამაღლება
• კამერასთან მუშაობა
  • ბუნებრივი თამაში კამერის წინ: გადაღება, მასალის განხილვა და განმეორებით გადაღება
  • კამერის სხვადასხვა ხედების და ობიექტივების შესწავლა
  • საკუთარი თავის გაცნობა ეკრანზე
  • სცენების გადაღება მცირე ჯგუფებში
• ხმა და მეტყველება
  • დიქცია და არტიკულაცია
  • ტექსტის სწორად გადმოცემა
  • ემოცია ხმაში
• იმპროვიზაცია და თამაშები
  • სწრაფი რეაგირება
  • კრეატიულობა
  • ჯგუფური სცენების შექმნა

რას მიიღებ კურსის ბოლოს

• გადაღებულ სცენებს/მასალას შენი მონაწილეობით (showreel)
• მონაწილეების მშობლებისთვის და მეგობრებისთვის მოეწყობა გადაღებული მასალის ჩვენება
• კურსის დასრულების შემდეგ, გადმოგეცემა “შუქის” და “ნიუ ვიჟენის” ერთობლივი სერტიფიკატი

მნიშვნელოვანი დეტალები

• უსაფრთხო და მხარდაჭერებზე დაფუძნებული გარემო
• მეტი პრაქტიკა, ნაკლები ლექცია
• მენტორების მხრიდან ინდივიდუალური უკუკავშირი თითოეულ მონაწილესთან
• შესაძლებლობა ისწავლო შენთვის საყვარელ მსახიობებთან

MYM არ არის უბრალოდ კინოსარეჟისორო კურსი. ეს არის რეალური კინოპროდუქცია, რომელსაც თავად ქმნი.

პროგრამის განმავლობაში გაივლი შენი ფილმის შექმნის ყველა ეტაპს:

• იდეის განვითარება და სცენარის შექმნა
• პრეპროდუქცია (მოსამზადებელი ეტაპი)
• გადაღების პროცესი
• მონტაჟი
• პოსტპროდაქშენი

რას გთავაზობს MYM?

• ლექციები და მასტერკლასები ქართული კინოინდუსტრიის ყველა დეპარტამენტის წამყვანი პროფესიონალებისგან
• სრული ტექნიკური მხარდაჭერა გადაღების პროცესში (ლოკაცია, რეკვიზიტი, კოსტიუმი, გრიმი, კვება და სხვა)
• წვდომა თანამედროვე, პროფესიონალურ კინოაპარატურაზე (კინოკამერა ARRI ALEXA, განათება, ხმის ჩამწერი სისტემა, Playback და სხვა)
• 1000 ლარიანი დაფინანსება თითოეული პროექტისთვის (მსახიობები და სხვა წარმოებითი ხარჯები)

ჯგუფის ხელმძღვანელები იქნებიან რეჟისორები — დიტო ცინცაძე და გიორგი თავართქილაძე.

რა შესაძლებლობები იხსნება შენთვის?

• იღებ საკუთარ საავტორო ფილმს.
• საუკეთესო ნამუშევრები გაიგზავნება საერთაშორისო კინოფესტივალებზე, რაც გაძლევს რეალურ შანსს, შენი ფილმი ფართო აუდიტორიამ ნახოს.

ჩვენი გუნდი

• რეჟისორი — დიტო ცინცაძე
• რეჟისორი — გიორგი თავართქილაძე
• რეჟისორი — მარინა კულუმბეგაშვილი
• სცენარისტი — ქეთი დევდარიანი
• სცენარისტი — ნიკოლოზ მდივანი
• ოპერატორი — არჩილ ახვლედიანი
• ოპერატორი — გელა ჩინჩალაძე
• ოპერატორი — იმედა თეთრაძე
• ხმის რეჟისორი — არჩილ ბურჭულაძე
• ხმის რეჟისორი — ივანე გვარაძე
• კინო მხატვარი — თეო ბარამიძე
• კინო მხატვარი — კოტე ჯაფარიძე
• კოსტიუმების მხატვარი — თიკო კვინიკაძე
• გამნათებელი — თენგო კასრაძე
• პროდიუსერი — ვოვა კაჭარავა
• ლაინ პროდიუსერი — დალი ნარიმანიძე
• ფოკუსი — გივიკო თუხარელი
• გრიმი — ანუკა მურვანიძე
• რეკვიზიტი — გია გოგორიკიძე
• მონტაჟის რეჟისორი — ლევან კუხაშვილი
• მონტაჟი, ფერის კორექცია — ნოდარ ნოზაძე
• მონტაჟი, ფერის კორექცია — შიო ხიდაშელი
• მონტაჟი, რილსები — მიხეილ დევდარიანი
• „კლაპი" — ნიკოლოზ ღოღობერიძე

მასტერკლასები

მსახიობის ოსტატობა, კინომუსიკა, დოკუმენტური კინო, დრამატურგია, კინოს ისტორია, ზოგადი ლიტერატურა და სხვა.

კურსზე მიღების მთავარი კრიტერიუმი

აპლიკანტმა უნდა წარმოადგინოს საკუთარი მოკლემეტრაჟიანი ფილმის (10–30 წუთი) იდეა 1–2 გვერდიანი სინოფსისის სახით. წარმოდგენილი იდეა საბოლოოდ გახდება ის პროექტი, რომელსაც კურსის ფარგლებში სტუდენტი განავითარებს პროფესიონალების მხარდაჭერით და გადაიღებს საავტორო ფილმს.

კურსის კონსერვატორიული მოდელი — 11-თვიანი პროგრამა „იდეიდან ეკრანამდე"

პროგრამა ეფუძნება დასავლური წამყვანი კინოსკოლების (New York Film Academy, Prague Film Institute, European Film College) Conservatory Style პრაქტიკულ მოდელს. მთავარი პრინციპია „Learning by Doing" — სტუდენტები უშუალოდ ერთვებიან კინოწარმოების ყველა ეტაპზე, რეალურ კინოსტუდიურ გარემოში.

სტუდენტური ნაკადი იყოფა ორ შემოქმედებით სახელოსნოდ, რომლებსაც ხელმძღვანელობენ დიტო ცინცაძე და გიორგი თავართქილაძე.

კურსის 5-ფაზიანი არქიტექტურა

• ფაზა I — შესავალი (14.09.26–24.10.26): შესავალი კინოენაში, კინოწარმოების ყველა რგოლის გაცნობა.
• ფაზა II — სცენარი (26.10.26–19.12.26): იდეის სტრუქტურირება, ამბის თხრობა, ინტენსიური მუშაობა სცენარისტებთან.
• ფაზა III — პრეპროდუქცია და ქასთინგი (21.12.26–13.02.27): სცენარის სივრცესა და მოქმედებაში გადატანა, Production Book, Pitching.
• ფაზა IV — გადაღება (15.02.27–15.05.27): ინტენსიური პრაქტიკა მოედანზე, Crew Rotation, ყოველკვირეული Dailies.
• ფაზა V — პოსტ-პროდაქშენი (17.05.27–07.08.27): მონტაჟი, ხმა, ფერის კორექცია, მუსიკა, გრაფიკა.

პროგრამის მოსალოდნელი შედეგები

• დამოუკიდებლად გადაღებული, სრულფასოვანი მოკლემეტრაჟიანი საავტორო ფილმი პროფესიული სტანდარტებით.
• გამოცდილება გადამღები ჯგუფის სხვადასხვა პოზიციაზე და პროფესიული კავშირები.
• შემოქმედებითი და ტექნიკური გუნდის მართვის კრიტიკული უნარი.
• სრული ინდუსტრიული ციკლის გავლა — მზადყოფნა პროფესიული კინობაზრისთვის.

სწავლის ეთიკური პირობები

• სტუდენტი ვალდებულია პატივი სცეს ყველა ადამიანის ღირსებას, თანასწორობასა და მრავალფეროვნებას.
• დაუშვებელია დისკრიმინაციული, სიძულვილის წამახალისებელი ან ძალადობისკენ მოწოდების შემცველი ნამუშევრების წარმოდგენა კრიტიკული ან მხატვრული კონტექსტის გარეშე.
• სტუდენტი ვალდებულია დაიცვას აკადემიური ეთიკის ნორმები, პლაგიატის აკრძალვა და საავტორო უფლებების პატივისცემა.
• გადაღებების დროს უნდა უზრუნველყოს მონაწილეთა უსაფრთხოება და ინფორმირებული თანხმობა.
• დაუშვებელია შევიწროება, ბულინგი ან ნებისმიერი სახის ძალადობრივი ქცევა სასწავლო გარემოში.